ଭୁଲ ବହି ପ୍ରତ୍ୟାହାର, ଆରଟିଇ ମାଗଣା ଶିକ୍ଷା ଦ୍ୱାଦଶକୁ ବୃଦ୍ଧି ସହ କେଜିରୁ ପିଜି ମାଗଣା ଯୋଜନାରେ ବୃତ୍ତିଗତ ଶିକ୍ଷାକୁ ସାମିଲ ଦାବୀରେ ତୃତୀୟ ଦିନରେ ପହଂଚିଲା ଓଡିଶା ଅଭିଭାବକ ମହାସଂଘର ଅନଶନ ଓ ଶିକ୍ଷା ସତ୍ୟାଗ୍ରହ

ଭୁବନେଶ୍ୱର ତା 19ରିଖ l
ଭୁଲ ପାଠ୍ୟପୁସ୍ତକ ପ୍ରତ୍ୟାହାର, ଆର୍ଥିକ ଦୁର୍ବଳ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ 25 % ଶିକ୍ଷା ଅଧିକାର (RTE) ମାଗଣା ଶିକ୍ଷା ଯୋଜନାକୁ ଦ୍ୱାଦଶ ଶ୍ରେଣୀକୁ ବୃଦ୍ଧି ତଥା କେଜିରୁ ପିଜି ମାଗଣା ଶିକ୍ଷା ଯୋଜନାରେ ବୃତ୍ତିଗତ ଶିକ୍ଷାକୁ ସାମିଲ କରିବା ଦାବିରେ ଲୋୟର ପିଏମଜିରେ ସଭାପତି ବାସୁଦେବ ଭଟ୍ଟଙ୍କ ନେତୃତ୍ୱରେ ଓଡିଶା ଅଭିଭାବକ ମହାସଂଘର ଚାଲିଥିବା ଶିକ୍ଷା ସତ୍ୟାଗ୍ରହ ଓ ଆମରଣ ଅନଶନ ଆଜି ତୃତୀୟ ଦିନରେ ପହଂଚିଛି l
ପୁରୁଣା ବହି ରେ ପାଠ ପଢା ଓ ଭୁଲ ବହି ପ୍ରତ୍ୟାହାର ନହେବା ପର୍ଯ୍ୟନ୍ତ ଏ ସତ୍ୟାଗ୍ରହ ଏବଂ ଅନଶନ ଚାଲିବ ବୋଲି କାର୍ଯ୍ୟକାରୀ ସଭାପତି ପ୍ରସନ୍ନ ବିଷୋୟୀ କହିଛନ୍ତି l ତୃତୀୟ ଦିନରେ ଆଜି ଶିକ୍ଷା ସତ୍ୟାଗ୍ରହ କୁ ସମର୍ଥନ ଜଣାଇ ପୂର୍ବତନ ମୁଖ୍ୟ ସଚିବ ବିଜୟ ପଟନାୟକ, ସିପିଆଇ ସାଧାରଣ ସମ୍ପାଦକ ସୁରେଶ ପାଣିଗ୍ରାହୀ ଓ ପ୍ରଦୀପ୍ତ ନାୟକ, ପେରେଣ୍ଟସ ଫିଡିରେସନ ର ପ୍ରଦୀପ୍ତ ମିଶ୍ର, ରଞ୍ଜନ ଦାସ ଓ ଅନନ୍ତ ରାଉତ, ଫରୱାର୍ଡ଼ ବ୍ଲକ ସାଧାରଣ ସମ୍ପାଦକ ଜ୍ୟୋତି ରଞ୍ଜନ ମହାପାତ୍ର, କର୍ମଚାରୀ ମହାମଞ୍ଚ ନେତା ପ୍ରଭାତ ମହାନ୍ତି, ଶିକ୍ଷକ ନେତା ଅମୀୟ ମହାନ୍ତି, ବିଜେଡି ନେତା ଅମରେଶ ପତ୍ରି, ସ୍ନେହାଶିଷ ଜେନା, ବରିଷ୍ଟ ସାମ୍ବାଦିକ ସତୀଶ ମିଶ୍ର, ଭୁବନେଶ୍ୱରର ବିଜେଡି ସାଂସଦ ପ୍ରାର୍ଥୀ ମନ୍ମଥ ରାଉତରାୟ, ଦୁର୍ଗା ଦାଶ, ବ୍ୟକ୍ତିତ୍ୱ ଯୋଗ ଦେଇଥିଲେ l ମହାସଂଘ ସଭାପତି ବାସୁଦେବ ଭଟ୍ଟ ଙ୍କ ଆମରଣ ଅନଶନ ଆଜି ତୃତୀୟ ଦିନରେ ପହଂଚି ଥିବାରୁ ତାଙ୍କର ରକ୍ତଚାପ ଓ ପଲସ ରେଟ ରେ ବିଚ୍ୟୁତ ଦେଖା ଦେଇଛି l ପ୍ରକାଶ ଥାଉ କି ପାଠ୍ୟପୁସ୍ତକରେ ଅଗଣିତ ତ୍ରୁଟି ଭଳି ଅସମ୍ବେଦନଶୀଳ ଓ ଅତ୍ୟନ୍ତ ଦାୟିତ୍ୱହୀନ ଘଟଣା ଅନ୍ତର୍ଜାତୀୟ ସ୍ତରରେ ମଧ୍ୟ ରାଜ୍ୟକୁ ନିନ୍ଦିତ କରି ଚାଲିଛି l ଏହି ପ୍ରସଙ୍ଗ ଅତ୍ୟନ୍ତ ମାରାତ୍ମକ,ଗୁରତର l ଓଡ଼ିଶା ଶିକ୍ଷା ବ୍ୟବସ୍ଥାର ଇତିହାସରେ ଏକ କଳା ଅଧ୍ୟାୟ l କଳଙ୍କିତ ଅଧ୍ୟାୟର ଦସ୍ତାବିଜ ଭୁଲ ବହି କୁ ତୁରନ୍ତ ପ୍ରତ୍ୟାହାର କରନ୍ତୁ l ମୁଖ୍ୟମନ୍ତ୍ରୀ ଭୁଲ ବହି ପ୍ରତ୍ୟାହାର ପାଇଁ କହିବା ପରେ କେଉଁ ମନ୍ଦ ଉଦ୍ୟେଶ ଆଧାରରେ ଏ ପର୍ଯ୍ୟନ୍ତ ବହି ଫେରା ଯାଇନି l ପିଲାଙ୍କ ଭବିଷ୍ୟତ ସୁରକ୍ଷା ପାଇଁ ମହାସଂଘ ଆମରଣ ଅନଶନରେ ବସିଛି lଏଥି ସହିତ ଆର ଟି ଇ ପାରଦର୍ଶୀ ପୋର୍ଟାଲ ମାଧ୍ୟମରେ ପ୍ରାଇଭେଟ ସ୍କୁଲ ରେ ମାଗଣାରେ ପଢ଼ୁଥୁବା ଆର୍ଥିକ ଦୁର୍ବଳ ଶ୍ରେଣୀ ପିଲାଙ୍କ ମାଗଣା ଶିକ୍ଷା ନବମ ଠାରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ବୃଦ୍ଧି ପାଇଁ ମହାସଂଘର ଦ୍ୱିତୀୟ ଦାବୀ l କେଜି ରୁ ପିଜି ପର୍ଯ୍ୟନ୍ତ ମାଗଣା ଶିକ୍ଷା ଯୋଜନାରେ ଆଇନ, କୃଷି,ସିଟି, ବିଇଡି,ଶାରୀରିକ ଶିକ୍ଷା, ନର୍ସିଙ୍ଗ, ଶିଳ୍ପ ତାଲିମ, ସିଟି, ବିଇଡି ଆଦି ବୃତ୍ତି ଗତ ଶିକ୍ଷାକୁ ଯୋଜନାରେ ଅନ୍ତର୍ଭୁକ୍ତ ସହ କେବଳ ଆଡ଼ମିସନ ଫିସ ନୁହେଁ ପରୀକ୍ଷା ଫି, ଅଫିଲେସନ ଫି, ଲାଇବ୍ରେରୀ ଫି ଆଦି ସବୁ ଫିସ ଛାଡ଼ କରିବାକୁ ମହାସଂଘ ତୃତୀୟ ଦାବୀ ରଖିଛି l ଓଡିଶା ଅଭିଭାବକ ମହାସଂଘ କାର୍ଯ୍ୟକାରୀ ସଭାପତି ସତ୍ୟବ୍ରତ ପରିଜା, ମହାସଚିବ ଅଶୋକ ପାଇକରାୟ, ସଂଗଠନ ସମ୍ପାଦକ ପ୍ରକାଶ ମିଶ୍ର, କଟକ ସଭାପତି ଦେବବ୍ରତ ରାୟ, ଲିଙ୍ଗରାଜ ଭୋଇ, ପ୍ରଦ୍ୟୁମ୍ନ ଦାଶ, ସଞ୍ଜୟ ଦାସ, ମିନା ଦାସ, ମିଲ୍ଲୀ ସାହୁ, ସନ୍ତୋଷିନୀ ଦାସ, ବେବିନା ମହାରଣା, ବିଜୟଲଷ୍ମୀ ସାହୁ, ପୁଷ୍ପା ରାଉତ, ତପନ ରାଉତରାୟ,ଙ୍କ ସହ ରାଜ୍ୟର ଅନେକ ରାଜନୈତିକ ନେତୃତ୍ୱ , ଗଣ ସଂଗଠନ, ବୁଦ୍ଧିଜୀବୀ , ଶିକ୍ଷାବିତ, ଅଭିଭାବକ, ଛାତ୍ର ଛାତ୍ରୀ ଆଜି ମଧ୍ୟ ଯୋଗ ଦେଇଥିଲେ l